కరెంట్‌ అఫైర్స్‌

మాదిరి ప్రశ్నలు

* దిల్లీలోని ఇండియాగేట్‌ వద్ద ఏర్పాటు చేసిన 28 అడుగుల నేతాజీ సుభాష్‌ చంద్రబోస్‌ విగ్రహాన్ని ఏ రాష్ట్రంలోని గ్రానైట్‌ రాయి (ఏకశిల)తో రూపొందించారు?

జ: తెలంగాణ (ఖమ్మం జిల్లా తిరుమలాయ పాలెం మండలంలోని మేడిదపల్లి గ్రామంలో ఉన్న క్వారీలోని 280 మెట్రిక్‌ టన్నుల బరువున్న 100 అడుగుల గ్రానైట్‌ రాయిని ఉపయోగించి నేతాజీ విగ్రహాన్ని రూపొందించారు.)

* బాస్మతీయేతర బియ్యంపై కేంద్ర ప్రభుత్వం ఎంత శాతం ఎగుమతి సుంకాన్ని విధిస్తూ 2022 సెప్టెంబరులో నోటిఫికేషన్‌ జారీ చేసింది?

జ: 20 శాతం

* టాటా ఇన్‌స్టిట్యూట్‌ ఆఫ్‌ సోషల్‌ సైన్సెస్, ఎడ్‌టెక్‌ కంపెనీ లీడ్‌ నిర్వహించిన సర్వే ప్రకారం దేశంలో కాన్ఫిడెన్స్‌ ఇండెక్స్‌లో ఏ నగరానికి చెందిన విద్యార్థులు ముందంజలో ఉన్నారు?

జ: హైదరాబాద్‌

* ఏ దేశం 2022 సెప్టెంబరులో తెలంగాణతో వాణిజ్యం, పెట్టుబడుల ప్రోత్సాహంపై ఒక ఒప్పందం చేసుకుంది? (ఒక దేశ వాణిజ్య శాఖ భారత్‌లోని రాష్ట్ర ప్రభుత్వంతో ఒప్పందం చేసుకోవడం ఇదే తొలిసారి)

జ: థాయ్‌లాండ్‌