కరెంట్‌ అఫైర్స్‌

మాదిరి ప్రశ్నలు

2023, జనవరి 16 నుంచి 20 వరకు స్విట్జర్లాండ్‌లోని దావోస్‌లో జరిగిన ప్రపంచ ఆర్థిక వేదిక (డబ్ల్యూఈఎఫ్‌)  సదస్సులో భారత్‌ నుంచి పాల్గొన్న ఇద్దరు యువ పర్యావరణవేత్తలు ఎవరు?

జ: కరణ్‌కుమార్‌, కె.గాయత్రి రెడ్డి

ఒక్కసారి వాడి పారవేసే ప్లాస్టిక్‌ సంచుల తయారీ, వినియోగంపై కేంద్ర ప్రభుత్వం విధించిన నిషేధం దేశవ్యాప్తంగా ఏ రోజు నుంచి అమల్లోకి వచ్చింది? (ఇకపై దేశవ్యాప్తంగా 120 మైక్రాన్‌లు లేదా ఆపై మందం గల ప్లాస్టిక్‌ సంచులను మాత్రమే వినియోగించాలి. ఇప్పటి వరకు 75 మైక్రాన్‌ల మందం గల క్యారీ బ్యాగులను వినియోగించేందుకు ప్రభుత్వం అవకాశం కల్పించింది)  

జ: 2022, డిసెంబరు 31

అంతరిక్షంలో షూటింగ్‌ జరిపిన తొలి చిత్రంగా ఏ దేశానికి చెందిన ‘ది ఛాలెంజ్‌’ సినిమా రికార్డు సృష్టించింది? (ఈ చిత్ర దర్శకుడు క్లిమ్‌ షెపెంకో)

జ: రష్యా

రాబోయే మూడేళ్లలో భారత్‌ సోర్జ్‌ కంపెనీ నుంచి 155 ఎంఎం హోవిట్జర్‌ శతఘ్నులను కొనుగోలు చేయడానికి ఏ దేశం రూ.1200 కోట్ల ఒప్పందం కుదుర్చుకుంది? (2020లో అజర్‌బైజాన్‌కు, ఈ దేశానికి మధ్య పోరాటం సాగుతున్నప్పుడు భారత్‌ స్వాతి రాడార్‌లను ఈ దేశానికి విక్రయించింది. శత్రు దేశ ఫిరంగులు, ఇతర ఆయుధాలు ఎక్కడ ఉన్నాయో స్వాతి రాడార్‌లు కనిపెట్టగలవు)

జ: ఆర్మేనియా