హాజ్‌మోలా చాయ్‌!

టీలో మీకెన్ని రకాలు తెలుసు? బ్లాక్‌టీ, గ్రీన్‌టీ, రోజ్‌టీ...ఇంకా మరికొన్ని రకాలై ఉండొచ్చు కదా! ఇవే కాదు మనదేశంలో ఏ మూలకెళ్లినా ఆ ప్రాంతాన్ని బట్టి ఓ ప్రత్యేకమైన చాయ్‌ దొరుకుతుంది. అవేంటో తెలుసుకోవాలని మీకూ ఉందా? అయితే ఈ హాజ్‌మోలా చాయ్‌ గురించి తెలుసుకోండి!

హాజ్‌మోలా చాయ్‌నే బెనారసీ చాయ్‌ అని కూడా అంటారు. బెనారస్‌లోని ఘాట్స్‌ వద్ద ప్రత్యేకంగా దొరుకుతుంది కాబట్టే దీనికా పేరు వచ్చింది. చాలామంది జీర్ణశక్తిని పెంచుకోవడానికి హాజ్‌మోలా ఆయుర్వేద మాత్రల్ని వాడుతుంటారు. ఆ మాత్రలనే లెమన్‌ చాయ్‌లో వేస్తారు. వాటితోపాటు నిమ్మరసం, పుదీనా ఆకులు, జీలకర్ర వేసి ప్రత్యేకంగా తయారుచేస్తారు. ఉప్పగా, పుల్లగా ఉండే ఈ చాయ్‌ని కాశీ వెళ్లిన వాళ్లు ఇష్టంగా తాగుతుంటారు.