బలాన్నిచ్చే సూప్‌

సిక్కింల వంటల్లో ‘శిష్ణు సూప్‌’ ఒకటి. సాధారణంగా కొండ ప్రాంతాల్లో దీన్ని తయారుచేస్తారు. అడవి రకాల ఆకుల్లో రేగుట ఒకటి. వీటినే నెట్టెల్‌ ఆకులు అంటారు. ఇదెలా చేస్తారంటే.. ముందుగా నీళ్లు మరిగించి మొక్కజొన్న పిండి వేసి కలియతిప్పాలి. అందులో బెండకాయ ముక్కలు, రేగుట ఆకులు వేయాలి. కాస్త దగ్గరపడ్డాక- మిరియాల పొడి, ఉప్పు, పసుపు, నిమ్మరసం వేసి దించేయాలి. వెల్లుల్లి రెబ్బలను నూనె లేదా నేతిలో వేయించి.. ఆకు మిశ్రమంలో కలిపితే సరి.. వేడి వేడి శిష్ణు సూప్‌ సిద్ధం. ఎక్కువమంది దీన్ని కొంచెం పల్చగా తాగడానికి అనుకూలంగా చేస్తారు. చెంచాతో తినేలా ఉండాలనుకుంటే.. తక్కువ నీళ్లతో చిక్కగా చేసుకుంటారు. ఎలా అయినా బాగుంటుంది. వెంటనే బలం చేకూరడమే కాకుండా.. ఒళ్లు నొప్పులు, కీళ్ల నొప్పులు, కండరాల వాపు, చర్మ వ్యాధుల నుంచి ఉపశమనం కలిగిస్తుంది. కొందరు మొక్కజొన్న పిండికి బదులు బియ్యప్పిండి ఉపయోగిస్తారు.