Vande Bharat Express: ‘వందే భారత్‌’ వచ్చినప్పుడే కాపలానా?

రైల్వే గేట్ల వద్ద, పట్టాల మీదుగా ప్రజలు రాకపోకలు సాగించే ప్రాంతాల్లో పైవంతెనలు, అండర్‌ బ్రిడ్జిల నిర్మాణాలు చేయాల్సి ఉన్నా పట్టించుకోవడం లేదు. విజయవాడ మధురానగర్‌లో అండర్‌ బ్రిడ్జిని రైల్వేశాఖ మూడేళ్ల క్రితం పూర్తి చేసినా.. రాష్ట్ర ప్రభుత్వం అప్రోచ్‌ రోడ్లు పూర్తి చేయలేకపోతోంది. వాంబే కాలనీ నుంచి దేవీనగర్‌ వైపు రైల్వే ట్రాక్‌పై పైవంతెన నిర్మాణానికి గత ప్రభుత్వ హయాంలోనే ప్రతిపాదించినా ప్రస్తుత ప్రభుత్వం దీనిని పక్కనపెట్టేసింది. దీంతో రోజూ వేలాది మంది ప్రజలు పట్టాల మీద నుంచే ప్రమాదకరంగా రాకపోకలు సాగిస్తున్నారు. ప్రస్తుతం వందేభారత్‌ రైలు వేగాన్ని గుర్తించలేక ప్రజలు ప్రమాదాల బారినపడే అవకాశముంది. దీంతో విజయవాడలో రైల్వే పోలీసులే ఈ రైలు వచ్చివెళ్లే సమయంలో కాపలా ఉండి ప్రజలను అప్రమత్తం చేస్తున్నారు. మిగిలిన సమయాల్లో మాత్రం ఎవరూ ఉండడం లేదు. 

ఈనాడు, అమరావతి