అరచేతిలో ప్రాణం.. పెద్దేరులో ప్రయాణం

ఏరు దాటాలంటే వంతెన మీదుగా వెళ్తాం. లేకపోతే పడవలు, తెప్పలను ఆశ్రయిస్తాం. కానీ ఇక్కడ వంతెన అంశాన్ని పాలకులు ప్రతిసారి ఎన్నికల హామీగా మలుచుకుంటున్నారు. పడవలు ఆ ప్రజలకు అందుబాటులో లేవు. అందుకే.. బెల్లం తయారీకి వాడే పాత్రను తెప్పగా చేసుకొని ఏరు దాటుతున్నారు. ఇదీ అనకాపల్లి జిల్లా చోడవరం మండలంలో పలు గ్రామాల రైతుల పరిస్థితి. ఈ మండలం మీదుగా పెద్దేరు ప్రవహిస్తుంది. ఏడాది పొడవునా నిండుగా పారుతుంది. చాకిపల్లి, రామజోగిపాలెం, జన్నవరం గ్రామాల రైతుల భూములు పెద్దేరుకు అవతలి వైపు ఉన్నాయి. పొలాలకు వెళ్లాలంటే బెల్లం తయారీకి వాడే పాత్ర(పెనం)ను తెప్పగా చేసుకుంటున్నారు. ఆ పాత్ర ఇనుముతో చేసింది కావడంతో బరువు ఎక్కువగా ఉంటోంది. పొరపాటున ఒక వైపు బరువు ఎక్కువైతే మునిగిపోతుంది. అందుకే ప్రాణాలు అరచేతిలో పెట్టుకొని.. పెద్దేరును దాటుతున్నారు. రామజోగిపాలెం గ్రామానికి చెందిన తల్లీకుమార్తె పెద్దేరు దాటుతున్న దృశ్యమిది.