మహనీయులందర్నీ స్మరించుకోవాలి

రంపచోడవరంలో జాతీయ జెండాకు వందనం చేస్తున్న

ఎమ్మెల్యే ధనలక్ష్మి, పీవో గనోరే, సబ్‌ కలెక్టర్‌ బన్సల్‌

రంపచోడవరం, న్యూస్‌టుడే: దేశంలో స్వేచ్ఛాయుతమైన జీవనం సాగించేందుకు పాటుపడిన మహనీయులందర్నీ స్మరించుకోవాల్సిన అవసరం ఎంతైనా ఉందని రంపచోడవరం ఐటీడీఏ పీవో సూరజ్‌ గనోరే పేర్కొన్నారు. స్థానిక ఐటీడీఏ ప్రాంగణంలో గణతంత్ర దిన వేడుకలను నిర్వహించారు. జాతీయ జెండాను పీవో ఎగురవేశారు. ఎమ్మెల్యే నాగులపల్లి ధనలక్ష్మి, సబ్‌ కలెక్టర్‌ శుభం బన్సల్‌ పాల్గొన్నారు. ఉత్తమ సేవలు, క్రీడల్లో ప్రతిభ కనబర్చిన ఉద్యోగలు, విద్యార్థులకు ప్రశంసాపత్రాలు అందజేశారు. ఎంపీపీ బంధం శ్రీదేవి, జడ్పీటీసీ సభ్యురాలు పండా వెంకటలక్ష్మి పాల్గొన్నారు.

నిధుల్లేక మొక్కుబడిగా వేడుకలు

ఏటా గణతంత్ర దినోత్సవాన్ని ప్రభుత్వ జూనియర్‌ కళాశాల మైదానంలో ఎంతో అట్టహాసంగా నిర్వహించేవారు. ఈసారి ఐటీడీఏ అధికారులు మొక్కుబడిగా నిర్వహించి చేతులు దులుపుకొన్నారు. నిధులు లేకపోవడం వల్లే వేడుకలు ఘనంగా నిర్వహించలేకపోయామని పలువురు ఉన్నతాధికారులు చెప్పడం గమనార్హం.