రాకపోకలకు నిత్య నరకం

వంతెనల మరమ్మతులు పట్టించుకోని వైకాపా ప్రభుత్వం
ఒకటిన్నరేళ్లలో నిధులు మంజూరు చేయని జగన్‌

ఉమ్మడి అనంత జిల్లాలో 2022 నవంబరులో భారీ వర్షాలకు వరదలొచ్చి జనజీవనం అతలాకుతలమైంది. వంకలు, వాగులు పొంగి పొర్లడంతో నీటి ప్రవాహ ధాటికి చాలాచోట్ల వంతెనలు కొట్టుకుపోయాయి. దీంతో ప్రజల రాకపోకలకు తీవ్ర ఇబ్బందులు ఎదురయ్యాయి. నెలల తరబడి తీవ్ర అవస్థల అనంతరం అక్కడక్కడ తాత్కాలిక మరమ్మతులు చేసి ప్రభుత్వం చేతులు దులుపుకొంది. ఆ తర్వాత శాశ్వత నిర్మాణాల కోసం నిధులు విడుదల చేయకుండా ప్రతిపాదనలకే పరిమితం చేసింది. దీంతో ఒకటిన్నరేళ్లుగా ప్రజలు తీవ్ర ఇబ్బందుల నడుమ రాకపోకలు సాగించాల్సి వస్తోంది. కొన్ని ప్రాంతాల ప్రజలు వ్యయప్రయాసలకోర్చి చుట్టూ తిరిగి వెళుతున్నారు. ప్రభుత్వం వంతెనల నిర్మాణానికి నిధులు విడుదల చేయకపోవడంపై సర్వత్రా అసంతృప్తి వ్యక్తమవుతోంది.

న్యూస్‌టుడే బృందం