పురాతన శిలాశాసనం లభ్యం

సదాశివకోనలో లభ్యమైన పురాతన శిలాశాసనం

పుత్తూరు, ఏర్పేడు, వడమాలపేట, న్యూస్‌టుడే: తిరుపతి జిల్లా వడమాలపేట, ఏర్పేడు మండలాల పరిధిలోని సదాశివకోనలో పురాతన శిలాశాసనం సోమవారం లభ్యమైంది. ఇది తెలుగులో శాఖయుగం 147(6) ఆనంద, శ్రావణ, భ 10, మంగళవారం= 1554 సీఈ ఆగస్టు 22వ తేదీన చెక్కబడినట్లు దానిపై ఉన్న సమాచారం ద్వారా తెలుస్తోంది. విజయనగర రాజు సదాశివదేవరాయల వద్ద పనిచేసిన అధికారి నరసింహ సదాశివకోన వద్ద ఓ ట్యాంకు నిర్మాణానికి, గుడిమల్లం వద్ద ఉన్న శ్రీ పరశురామే శ్వర ఆలయానికి కొన్ని విరాళాలు అందించినట్లు ఆ శిలాశాసనంలో పొందుపరిచారు. ఇది ఏర్పేడు మండలంలోని పాయల్‌ సెంటర్‌కు 15 కిమీ దూరంలోని అటవీ ప్రాంతంలోని ఓ దేవత ఆలయం సమీపాన ఉన్నట్లు వడమాలపేటకు చెందిన మామిడికాయల వ్యాపారి జి.మురళి కనుగొని తిరుపతిలోని ఆర్కియాలజీ అధికారులకు సమాచారం అందించారు.