వైకాపా ప్రచారంపై తెదేపా అభ్యంతరం

ఇరువర్గాల వాగ్వాదం

వైకాపా నాయకులను అడ్డుకుంటున్న పోలీసులు

పలమనేరు, న్యూస్‌టుడే: పలమనేరు ప్రభుత్వ ఉన్నత పాఠశాలలోని పోస్టల్‌ బ్యాలెట్‌ కేంద్రం వద్ద ఆదివారం ఉదయం 10 గంటలకు వైకాపా నాయకులు ప్రచారం చేస్తున్నారు. దీన్ని తెదేపా నాయకులు అడ్డుకున్నారు. కొందరు అక్రమంగా కేంద్రంలోకి చొచ్చుకెళ్లగా.. వైకాపా నాయకుడు జాఫర్‌ ద్విచక్రవాహన ర్యాలీ చేసేందుకు యత్నించారు. అతన్ని పోలీసులు నిలువరించారు. వారు వెళ్తున్నా.. ప్రేక్షకపాత్ర వహించిన అధికారులపై తెదేపా నాయకులు ఆగ్రహం వ్యక్తం చేశారు. ఈ క్రమంలో తెదేపా, వైకాపా నాయకుల మధ్య వాగ్వాదం చోటుచేసుకుంది. పోలీసులు అందరినీ దూరంగా పంపించారు. ఆర్డీవో మనోజ్‌రెడ్డి ఇరువర్గాలకు సర్దిచెప్పారు.