సీఈసీ స్పందన హర్షణీయం

బీసీవైపీ అధ్యక్షుడు రామచంద్రయాదవ్‌

పుంగనూరు, న్యూస్‌టుడే: అనంతపురం డీఐజీ అమ్మిరెడ్డిపై కేంద్ర ఎన్నికల సంఘం వేటు వేయడం హర్షణీయమని భారత చైతన్య యువజన పార్టీ (బీసీవైపీ) అధ్యక్షుడు రామచంద్రయాదవ్‌ ఓ ప్రకటనలో సోమవారం పేర్కొన్నారు. ఇటీవల సదుంలో జరిగిన అల్లర్లలో తనపై తప్పుడు కేసు నమోదు చేయడంలో డీఐజీ పాత్రపై సీఈసీకి ఫిర్యాదు చేసినట్లు తెలిపారు. విచారించిన ఎన్నికల అధికారుల నివేదికతోనే ఆయనపై చర్యలు తీసుకున్నారని అందులో పేర్కొన్నారు. ఈ ఘటనలో సదుం ఎస్సై, పుంగనూరు సీఐలను బాధ్యులను చేయాలని విన్నవించినట్లు ప్రకటనలో వివరించారు.