కుప్పంలో నేడు, రేపు.. నారా భువనేశ్వరి పర్యటన

కుప్పం: తెదేపా అధినేత నారా చంద్రబాబునాయుడి సతీమణి భువనేశ్వరి మంగళ, బుధవారాల్లో కుప్పం నియోజకవర్గంలో విస్తృతంగా పర్యటించనున్నారు. మంగళవారం మధ్యాహ్నం 4.30 గంటలకు బెంగళూరు నుంచి శాంతిపురం మండలానికి చేరుకుంటారు. సాయంత్రం 6.45 గంటలకు వడగాండ్లపల్లె, అనికెర క్రాసులో ఎన్నికల ప్రచారం చేపడతారు. రాత్రి 7.30 గంటలకు సోగడబళ్ల, 8.15 గంటలకు కెనమాకులపల్లె, 9 గంటలకు శాంతిపురంలో పర్యటిస్తారు. బుధవారం ఉదయం 10 గంటలకు కుప్పం మండలం దాసేగానూరు, కంగుంది గ్రామాల్లో పర్యటిస్తారు. మధ్యాహ్నం 12 గంటలకు రామకుప్పం మండలంలోని గోవిందపల్లె, బల్ల, వీర్నమల, పంద్యాలమడుగులో పర్యటిస్తారు. సాయంత్రం 5 గంటలకు పల్లికుప్పం, బందార్లపల్లె, రామకుప్పంలో పర్యటిస్తారు.