‘వైకాపాకు ఓటేస్తే అభివృద్ధిని అడ్డుకున్నట్లే’

తుళ్లూరు, న్యూస్‌టుడే: వైకాపా అరాచక పాలనతో ప్రజలు విసిగి పోయారని తాడికొండ నియోజకవర్గం తెదేపా మహిళా అధ్యక్షురాలు మైని గిరిజ పేర్కొన్నారు. మూడు రాజధానుల నిర్ణయాన్ని వ్యతిరేకిస్తూ దొండపాడులో నిరసనలు చేస్తున్న మహిళలతో కలసి ఆమె మాట్లాడారు. అయిదేళ్ల జగన్‌ పాలనలో వినాశకర విధానాలకు వత్తాసు పలికిన ఎంపీలు, ఎమ్మెల్యేలను ఓడించాలని పిలుపునిచ్చారు. వైకాపాకు ఓటు వేస్తే రాష్ట్ర అభివృద్ధిని అడ్డుకున్నట్టే అని స్పష్టం చేశారు. వైకాపా చెర నుంచి అమరావతిని రక్షించుకోవాల్సిన బాధ్యత అందరిపై ఉందన్నారు. వెంకటపాలెం, మందడం, వెలగపూడి, దొండపాడు, తుళ్లూరు, అనంతవరం, నెక్కల్లు, తాడికొండ తదితర గ్రామాల్లోనూ పలు చోట్ల నిరసనలు కొనసాగాయి.