ఐసీఐసీఐ ఏటీఎంలో అగ్నిప్రమాదం

మంటల్లో కాలిపోతున్న ఏటీఎం

ఘట్‌కేసర్‌, న్యూస్‌టుడే: వరంగల్‌ జాతీయ రహదారి పక్కన ఉన్న బ్యాంక్‌ ఏటీఎంలో భారీ అగ్నిప్రమాదం చోటు చేసుకుంది. ఘట్‌కేసర్‌ సీఐ ఎన్‌.చంద్రబాబు వివరాల ప్రకారం.. జోడిమెట్ల కూడలిలో గురువారం సాయంత్రం ఐసీఐసీఐ బ్యాంకుకు చెందిన ఏటీఎం కేంద్రం నుంచి మంటలు రావడం స్థానికులు గుర్తించి.. పోలీసులకు, అగ్నిమాపక సిబ్బందికి సమాచారం అందించారు. వారు వచ్చేలోగా మూడు ఏటీఎంలు పూర్తిగా కాలిపోయాయి. ఒక ఏటీఎం మాత్రమే పని చేస్తోందని, అందులో ఎంత మేర నగదు ఉందనే విషయం బ్యాంకు అధికారులు చెప్పాల్సి ఉందని సీఐ చెప్పారు.