Hyderabad: ‘కైట్ ఫెస్టివల్‌’లో కిషన్‌రెడ్డి, తలసాని సందడి

హైదరాబాద్‌: సంక్రాంతి సందర్భంగా హైదరాబాద్‌ నెక్లెస్‌రోడ్‌లోని పీపుల్స్‌ ప్లాజాలో నిర్వహించిన ‘కైట్ ఫెస్టివల్‌’లో కేంద్రమంత్రి కిషన్‌రెడ్డి, సనత్‌నగర్‌ ఎమ్మెల్యే తలసాని శ్రీనివాస్‌యాదవ్‌ పాల్గొన్నారు. ఆరుగాలం కష్టించి పండించిన పంట ఇంటికొచ్చిన సందర్భంగా రైతులు చేసుకునే పండుగే సంక్రాంతి అని కిషన్‌రెడ్డి చెప్పారు. సంక్రాంతిని నేడు ప్రపంచమంతా నిర్వహించుకుంటోందని చెప్పారు. ‘కైట్ ఫెస్టివల్‌’లో ఆయన పతంగి ఎగురవేశారు. 

తలసాని శ్రీనివాస్‌ యాదవ్‌ మాట్లాడుతూ ఒకప్పుడు పండుగకు 4 నెలల ముందు నుంచే పతంగుల సందడి ఉండేదని.. ప్రస్తుతం పాశ్చాత్య సంస్కృతి ప్రభావంతో ఆసక్తి కొరవడిందన్నారు. తమ పిల్లలకు తల్లిదండ్రులు మన సంప్రదాయాల గురించి తెలియజేయాల్సిన అవసరం ఎంతైనా ఉందని చెప్పారు.