రాజకీయాలకు కేరాఫ్‌.. కేపీహెచ్‌బీ టెంపుల్‌ బస్టాపు

1996-97 సమయంలో బస్టాపు చిత్రం

ఎన్నికలొచ్చాయంటే 45ఏళ్ల చరిత్ర గల కేపీహెచ్‌బీ టెంపుల్‌ బస్టాపు పేరు మార్మోగుతుంది. ఏ పార్టీ నాయకులైనా ఎన్నికల సమయంలో ఈ బస్టాపు కేంద్రంగానే రాజకీయాలు చేస్తుంటారు. గతంలో పీజేఆర్‌, చంద్రబాబునాయుడు, రేవంత్‌రెడ్డి, బాలకృష్ణ, విజయశాంతి, బండి సంజయ్‌, జైరాం రమేశ్‌, జయప్రకాశ్‌నారాయణ, షర్మిల వంటి ప్రముఖులు ఇక్కడ ప్రసంగాలు చేశారు. ఇక్కడి రమ్యమైదానానికి వైఎస్‌, చిరంజీవి ప్రచారానికి వచ్చారు. రోశయ్య ఓ ఆధ్యాత్మిక కార్యక్రమం, కేసీఆర్‌  సీఎం హోదాలో విచ్చేశారు. కేపీహెచ్‌బీ పరిధి హైవేలో రాహుల్‌ గాంధీ జోడోయాత్ర కూడా కొనసాగింది.

న్యూస్‌టుడే, కేపీహెచ్‌బీకాలనీ