స్కూటర్‌ను ఢీకొన్న లారీ... వృద్ధుడి మృతి

పుత్తా సుబ్బరామిరెడ్డి (పాత చిత్రం)

దువ్వూరు, న్యూస్‌టుడే : కడప-కర్నూలు జాతీయ రహదారిపై గుడిపాడు విద్యుత్తు ఉప కేంద్రం వద్ద బుధవారం స్కూటర్‌ను లారీ ఢీకొన్న ప్రమాదంలో దువ్వూరు మండలం అన్నపుశాస్త్రులపల్లె గ్రామానికి చెందిన పుత్తా సుబ్బరామిరెడ్డి(71) అక్కడికక్కడే మృతి చెందారు. ఈమేరకు ఎస్సై కె.చపలరాజు తెలిపారు. ఎస్సై తెలిపిన వివరాల మేరకు.. పి.సుబ్బరామిరెడ్డి దువ్వూరుకు టీవీఎస్‌ స్కూటర్‌లో వస్తుండగా వెనుక వైపున కర్నూలు వైపు వెళుతున్న లారీ ఢీకొట్టింది. ఈ ఘటనలో ఆయన అక్కడికక్కడే మృతి చెందారు. లారీ చోదకుడు స్కూటర్‌ను ఢీకొట్టి వెళ్లిపోవడంతో స్థానికులు సమాచారం అందించడంతో చాగలమర్రి టోల్‌ ప్లాజ వద్ద లారీని వెంబడించి పట్టుకున్నట్లు ఎస్సై చెప్పారు.