పెద్దపల్లి జిల్లాలో చెక్‌డ్యామ్‌ కూల్చేందుకు యత్నం

పెద్దపల్లి: పెద్దపల్లి మండలం కొత్తపల్లి - భోజన్నపేట మధ్య ఉన్న హుస్సేన్‌మియా వాగు వద్ద ఉద్రిక్త వాతావరణం ఏర్పడింది. ఈ వాగుపై నిర్మించిన చెక్‌ డ్యామ్‌ను కూల్చివేసేందుకు సోమవారం రాత్రి కొంతమంది దుండగులు యత్నించారు. కంప్రెషర్‌ ట్రాక్టర్‌తో డ్రిల్లింగ్‌ చేస్తుండగా గమనించిన రైతులు వారిని అడ్డుకున్నారు. దీంతో వారంతా అక్కడ నుంచి ట్రాక్టర్‌లో పరారయ్యారు. ఘటనాస్థలంలో జిలెటెన్‌ స్టిక్స్‌తో పాటు, డ్రిల్లింగ్‌ సామగ్రిని అక్కడ వదిలేసి వెళ్లారు. చెక్‌డ్యామ్‌ కారణంగా దిగువ ప్రాంతాలకు నీరు చేరకపోవడంతో పంట పొలాలు ఎండిపోతున్నాయని మూలశాల గ్రామానికి చెందిన కొందరు వ్యక్తులు వాపోగా.. ఈ దారుణానికి పాల్పడింది ఆ గ్రామస్థులేనని రైతులు ఆరోపించారు.