రూ.14 లక్షల ధర పలికిన ఎద్దు

ఎద్దుతో విఠల, అతని కుటుంబ సభ్యులు

బాగలకోట, న్యూస్‌టుడే: ముధోళకు చెందిన కాశిలింగప్ప గడదార, యమనప్ప గడదార అనే రైతు సోదరులు ఏడాది క్రితం రూ.5 లక్షలకు ఒక ఎద్దును కొనుగోలు చేసుకున్నారు. మూడలగి తాలూకా రడ్యారట్టిలో కొనుగోలు చేసుకు వచ్చిన ఈ ఎద్దును చక్కని పోషించారు. ఈ ఎద్దును నందగావ గ్రామానికి చెందిన విఠల అనే రైతు రూ.14 లక్షలు చెల్లించి, దీన్ని కొనుగోలు చేసుకున్నారు. పోటీల కోసం సిద్ధం చేసిన ఈ ఎద్దు కర్ణాటక, మహారాష్ట్రలలో పలు పోటీలలో పాల్గొంది. ఇప్పటి వరకు ఆరు బైకులు, ఐదు తులాల బంగారం, రూ.12 లక్షల బహుమతిని తమకు సంపాదించి పెట్టిందని కాశీలింగప్ప, యమనప్ప తెలిపారు. విఠల, అతని కుటుంబ సభ్యులు పలుసార్లు కోరడంతో తాము ఆయనకు తమ ఎద్దును విక్రయించామని చెప్పారు. కాశిలింగప్ప కుటుంబ సభ్యులతో పాటు స్థానికులు ఆ ఎద్దుకు పూజలు చేసి విఠలకు అప్పగించారు.