అక్రమ కేసులపై జనసేన ఆందోళన

ఆదోనిలోని అంబేడ్కర్‌ విగ్రహం వద్ద నినాదాలు చేస్తున్న జనసేన నాయకులు

ఆదోని గ్రామీణం, న్యూస్‌టుడే: చిందేపల్లిలో జనసేన నాయకులపై పెట్టిన అక్రమ కేసులను ఎత్తి వేయాలని ఆ పార్టీ నాయకులు నిరసనకు దిగారు. ఆదోనిలోని అంబేడ్కర్‌ విగ్రహం ఎదుట గురువారం జనసేన ఆధ్వర్యంలో ఆందోళన చేపట్టారు. జనసేన నాయకులు తాహెర్‌వలి, రేణువర్మ, మహేష్‌, పులిరాజ, రాజశేఖర్‌ మాట్లాడారు. తిరుపతి జిల్లా శ్రీకాళహస్తి నియోజకవర్గం ఏర్పేడు మండలం చిందేపల్లిలో జనసేన నాయకులు చేపట్టిన దీక్షలను భగ్నం చేసి, అక్రమ కేసులు పెట్టడం ఎంతవరకు సమంజసమని ప్రశ్నించారు. దీక్షలు చేస్తున్న వారి సమస్యలపై ప్రభుత్వం ఎలాంటి హామీ ఇవ్వకుండా, దర్మార్గంగా వ్యవరించడం దారుణమన్నారు. వైకాపా ప్రభుత్వం ప్రైవేట్‌ కంపెనీకి మద్దతు పలకడం సిగ్గుచేటన్నారు. రహదారి సమస్య పరిష్కరించాలని డిమాండు చేశారు.