ముగిసిన నామినేషన్ల ప్రక్రియ

లోక్‌సభ స్థానానికి 28 మంది, ఎనిమిది అసెంబ్లీ నియోజకవర్గాలకు 155 మంది నామపత్రాల దాఖలు

కర్నూలు సచివాలయం, న్యూస్‌టుడే : సార్వత్రిక ఎన్నికలకు సంబంధించి కర్నూలు జిల్లాలో ఒక పార్లమెంట్‌, ఎనిమిది అసెంబ్లీ నియోజకవర్గ స్థానాలకు నామినేషన్ల స్వీకరణ ప్రక్రియ గురువారం మధ్యాహ్నం 3 గంటలకు ముగిసిందని జిల్లా ఎన్నికల అధికారి డా.జి.సృజన తెలిపారు. కర్నూలు లోక్‌సభ స్థానానికి 28 మంది అభ్యర్థులు 41 నామపత్రాలు దాఖలు చేశారు. ఎనిమిది అసెంబ్లీ నియోజకవర్గాలకు సంబంధించి 155 మంది అభ్యర్థులు 241 నామినేషన్లు వేశారు. శుక్రవారం నామినేషన్ల పరిశీలన జరగనుంది. ఈనెల 29న నామినేషన్ల ఉపసంహరణకు తుది గడువు. కొన్నిచోట్ల చెదురుమదురు ఘటనలు మినహా జిల్లాలో నామినేషన్ల ప్రక్రియ ప్రశాంతంగా సాగింది. 13న ఎన్నికల పోలింగ్‌ జరగనుంది.