బైపాస్‌ జాతీయ రహదారి నిర్మాణానికి నిధులు

శివారులో జాతీయ రహదారి మార్గం

ఆదోని పాతపట్టణం, న్యూస్‌టుడే: ఆదోని పట్టణ శివారులో నిర్మించాల్సిన 167వ జాతీయ బైపాస్‌ రహదారి నిర్మాణానికి కేంద్ర ఉపరితల, రహదారుల(గవర్నమెంట్‌ ఆఫ్‌ ఇండియా మినిస్ట్రీ ఆఫ్‌ రోడ్‌ ట్రాన్స్‌పోర్ట్‌ అండ్‌ హైవేస్‌)శాఖ రూ.241.99 కోట్లు నిధులు విడుదల చేస్తూ ఉత్తర్వులిచ్చింది. ఇందుకు సంబంధించిన సాంకేతిక, పరిపాలనపరమైన అనుమతులిస్తూ ఉత్తర్వులు జారీ చేసినట్లు ఎమ్మెల్యే సాయిప్రసాద్‌రెడ్డి శనివారం తెలిపారు. నిర్మాణానికి రూ.99.58 కోట్లు, భూసేకరణకు రూ.140.5 కోట్లు, నిర్వహణకు రూ.1.91 కోట్లు లెక్కకట్టారన్నారు. త్వరలో పనులు పూర్తి అయి, ట్రాఫిక్‌ సమస్యలు తీరుతాయన్నారు.