ఎన్నికల్లో కాంగ్రెస్ పార్టీదే విజయం

రాజోలి: లోక్‌సభ ఎన్నికల్లో కాంగ్రెస్ పార్టీ కేంద్రంలో, రాష్ట్రంలో విజయం సాధిస్తుందని జడ్పీ ఛైర్‌పర్సన్ సరిత అన్నారు. శనివారం గద్వాల నియోజకవర్గంలోని పూడూరు, ఎర్రవెల్లి గ్రామాల్లో ఆమె ఎన్నికల ప్రచారం నిర్వహించారు. మహిళలతో సమావేశమై కాంగ్రెస్ పార్టీ అందిస్తున్న సంక్షేమ పథకాల గురించి వివరించారు. నాగర్ కర్నూల్ ఎంపీ అభ్యర్థి డాక్టర్ మల్లు రవిని భారీ మెజారిటీతో గెలిపించాలని గ్రామస్తులను కోరారు. ఆదివారం నిర్వహించనున్న సీఎం సభకు భారీ ఎత్తున కార్యకర్తలు తరలిరావాలని పిలుపునిచ్చారు. ఈ ప్రచారంలో కాంగ్రెస్ పార్టీ సీనియర్ నాయకులు, కార్యకర్తలు తదితరులు పాల్గొన్నారు.