నిజాయతీ చాటిన కండక్టరు

నారాయణరెడ్డిన పర్సు అందిస్తున్న స్వప్న

మెదక్‌ అర్బన్‌, న్యూస్‌టుడే: బస్సులో దొరికిన పర్సుని బాధితుడికి అప్పగించి నిజాయతీని చాటుకున్నారు ఓ మహిళా కండక్టరు. వివరాలు ఇలా.. నిజాంపేట మండలం కల్వకుంట్ల గ్రామానికి చెందిన నారాయణరెడ్డి శుక్రవారం రామాయంపేట నుంచి కల్వకుంట్లకు వెళ్లేందుకు మెదక్‌ నుంచి సిద్దిపేటకు వెళ్లే బస్సులో రామాయంపేట వద్ద ఎక్కారు. ఈ క్రమంలో సీట్లో తన రూ.40 వేలు, రూ.20 వేల చెక్కు ఉన్న పర్సును వదిలేసి దిగిపోయారు. కండక్టర్‌ స్వప్న గుర్తించి పర్సును తన వద్ద భద్రపరచి, సిద్దిపేట ఆర్టీసీ అధికారులకు అందజేశారు. అనంతరం అతడికి ఫోన్‌ చేసి సమాచారం ఇచ్చారు. సదరు కండక్టరు సిద్దిపేట నుంచి మెదక్‌కు తిరుగు ప్రయాణంలో కల్వకుంట్ల వద్ద బాధితుడికి పర్సును అప్పగించారు. విషయం తెలుసుకున్న మెదక్‌ డిపో మేనేజర్‌ ప్రణీత్‌కుమార్‌ ఆమెను అభినందించారు.