పరీక్షలపై భయాన్ని తొలగించాలి: ఆర్సీవో

మాట్లాడుతున్న ప్రభాకర్‌, శివప్రసాద్‌, రాజశేఖర్‌, తదితరులు

కౌడిపల్లి, న్యూస్‌టుడే: పదో తరగతి వార్షిక పరీక్షల్లో వచ్చిన మార్పులను విద్యార్థులకు అవగాహన కల్పించాలని బీసీ గురుకులాల ఉమ్మడి జిల్లా ప్రాంతీయ సమన్వయకర్త (ఆర్సీవో) ప్రభాకర్‌ సూచించారు. గురువారం కౌడిపల్లి మండలం తునికి శివారులోని మహాత్మా జ్యోతిబా ఫులే బీసీ గురుకుల పాఠశాలలో ఉమ్మడి జిల్లాలోని గణితం, భౌతిక, రసాయనశాస్త్రాలు బోధించే పదో తరగతి ఉపాధ్యాయులకు రెండు రోజుల ఓరియన్‌టేషన్‌ కార్యక్రమం ముగింపు సమావేశం జరిగింది. ఇందులో పాల్గొన్న ఆర్సీవో మాట్లాడుతూ.. పదో తరగతి విద్యార్థులకు పరీక్షలపై భయాన్ని తొలగించాలని సూచించారు. గురుకుల విద్యార్థులందరూ మంచి గ్రేడ్‌ సాధించేలా కృషి చేయాలని కోరారు. విద్యార్థులకు అన్ని పాఠ్యాంశాలపై పట్టుసాధించేలా తీర్చిదిద్దాలని చెప్పారు. ప్రిన్సిపల్‌ శివప్రసాద్‌, ఏటీపీ రాజశేఖర్‌, తదితరులు పాల్గొన్నారు.