నిషేధం ఎత్తివేయాలని డిమాండ్‌

సమావేశంలో మాట్లాడుతున్న కళాకారుడు పుల్లయ్య

నెల్లూరు(విద్య), న్యూస్‌టుడే: చింతామణి నాటక ప్రదర్శన నిషేధాన్ని ఎత్తివేయాలంటూ ఆదివారం నగరంలోని జట్టి శేషారెడ్డి విజ్ఞాన కేంద్రంలో ప్రజానాట్యమండలి ఆధ్వర్యంలో సదస్సు నిర్వహించారు. తీవ్ర మనస్తాపానికి గురైన సీనియర్‌ కళాకారుడు మినగల్లు సుధాకర్‌ పెట్రోల్‌ ప్యాకెట్‌తో వేదిక మీదకు వచ్చి ఆత్మహత్యాయత్నం చేశాడు. అతని ప్రయత్నాన్ని తోటి కళాకారులు అడ్డుకొన్నారు. ఈ సందర్భంగా ప్రజానాట్యమండలి కార్యదర్శి విజయకుమార్‌, పుల్లయ్య మాట్లాడుతూ కరోనా కారణంగా కళాకారులకు ఉపాధి లేక ఇబ్బందులు పడుతున్నారని ఆవేదన వ్యక్తం చేశారు. చింతామణి నాటక ప్రదర్శనపై నిషేధాన్ని ఎత్తివేయాలని డిమాండ్‌ చేశారు. ఈ కార్యక్రమంలో సీపీఎం సీనియర్‌ నాయకులు వెంకమరాజు, చక్రపాణి, మురళీమోహన్‌ పాల్గొన్నారు.