ప్రతిభావంతులకు పురస్కారాలు

పురస్కారాలు అందుకున్న విద్యార్థులతో ఛైర్మన్‌ సత్యనారాయణ తదితరులు

నెల్లూరు (విద్య), న్యూస్‌టుడే : విశ్వసాయి విద్యాసంస్థల్లో చదివి  మెడికల్‌, ఐఐటీ, ఎన్‌ఐటీ, ట్రిపుల్‌ ఐటీ, ఇంజినీరింగ్‌ కళాశాలల్లో సీట్లు సాధించిన విద్యార్థులకు ఆదివారం ఆ విద్యా సంస్థ ఆధ్వర్యంలో నగరంలోని కస్తూర్బా కళాక్షేతరంలో ప్రతిభా పురస్కారాల ప్రదానం చేశారు. ఈ సందర్భంగా ముఖ్యఅతిథిగా పాల్గొన్న ఇంటర్‌ బోర్డు ప్రాంతీయ పర్యవేక్షకులు టి.వరప్రసాద్‌ మాట్లాడుతూ తల్లిదండ్రులు గర్వపడేలా సీట్లు సాధించడం అభినందనీయమన్నారు. విలువలు, వ్యక్తిత్వం ముఖ్యమని ఉద్బోధించారు. జిల్లా వృత్తివిద్యాఖాధికారి మధుబాబు మాట్లాడుతూ చదువు, క్రీడలతో పాటు వృత్తివిద్యలో ప్రావీణ్యం సాధించాలని కోరారు. ఆ విద్యాసంస్థల ఛైర్మన్‌ డాక్టర్‌ ఎన్‌.సత్యనారాయణ మాట్లాడుతూ చదువు ఉంటే ఎంతటి విజయాలనైనా సొంతం చేసుకోవచ్చన్నారు. విద్యార్థుల సాంస్కృతిక కార్యక్రమాలు ఆకట్టుకున్నాయి. విద్యార్థులకు ప్రతిభా పురస్కారాలను అందించారు. డాక్టర్‌ వివేకానందరెడ్డి, విశ్వసాయి సంస్థల వైస్‌ఛైర్మన్‌ జి.కృష్ణమోహన్‌రావు, ఛైర్‌పర్సన్‌ ఎన్‌.రుక్మిణి, ప్రిన్సిపాళ్లు, పాల్గొన్నారు.