క్యాన్సర్‌ ఆసుపత్రిలో కుక్కల బెడద

ప్రభుత్వానికి నోటీసులు పంపిన ఎన్‌హెచ్‌ఆర్‌సీ

కటక్‌, న్యూస్‌టుడే: కటక్‌ ఆచార్య హరిహర క్యాన్సర్‌ ఇనిస్టిట్యూట్‌లో కుక్కలు సంచరిస్తూ.. రోగులను ఇబ్బందులు పెడుతున్నాయి. చికిత్స పొందుతున్న వారిని కరిచి, ఆహారాన్ని తినేస్తూ కంటి మీద కునుకు లేకుండా చేస్తున్నాయి. మీడియాలో ఈ వార్తలు ప్రసారం కావడంతో జాతీయ మానవ హక్కుల కమిషన్‌ స్పందించింది. ఆరు వారాల్లో ఈ ఘటనలపై జవాబు చెప్పాలని ప్రభుత్వంతోపాటు కటక్‌ మున్సిపల్‌ కార్పొరేషన్‌ కమిషనర్‌ నిఖిల్‌ పవన్‌ కల్యాణ్‌కు నోటీసులు పంపించింది.