బస్సు బోల్తా: ఒకరి మృతి, 20 మందికి గాయాలు

బోల్తా పడిన బస్సు

సిమిలిగుడ, న్యూస్‌టుడే: కొరాపుట్‌ నుంచి రాయగడకు వెళ్లే మార్గంలో పొడఘడ్‌ వద్ద మంగళవారం రాత్రి బస్సు బోల్తాపడడంతో ఒకరు మృతి చెందగా, 20 మందికి గాయాలయ్యాయి. పోలీసులు అందించిన వివరాల ప్రకారం.. మంగళవారం రాత్రి మలాË్కన్‌గిరి నుంచి బ్రహ్మపూరకు వెళ్తున్న ఓ ప్రైవేట్‌ బస్సు పొడఘడ్‌ వద్ద అదుపు తప్పి బోల్తా పడింది. ఘటనా స్థలంలో జయపురం ఆటో చోదకుల సంఘం కార్యదర్శి నారాయణ రథ్‌ (42) అక్కడికక్కడే మృతి చెందగా, 20 మంది ప్రయాణికులు గాయపడ్డారు. పోలీసులు, అగ్నిమాపక సిబ్బంది, స్థానికులు కలిసి గాయపడిన వారిని బయిటకు తీసి, కొరాపుట్‌ లక్ష్మణ్‌ నాయక్‌ వైద్య కళాశాలకు తరలించారు. ప్రమాదం విషయం తెలిసి బిజద జిల్లా అధ్యక్షుడు జీను హిక్కాకా, మాజీ ఎమ్మెల్యే కైలాష్‌ చంద్ర సంఘటన స్థలానికి, ఆరోగ్య కేంద్రానికి చేరుకొని పరిస్థితి సమీక్షించారు. సబ్‌ కలెక్టర్‌ వేణుధర్‌ సబర బాధితులకు మెరుగైన చికిత్స అందేలా చూశారు. ఆరుగురు పరిస్థితి విషమంగా ఉంది. అతివేగమే ప్రమాదానికి కారణమని పోలీసులు తెలిపారు. 

లక్ష్మణ్‌ నాయక్‌ వైద్య కళాశాలలో చికిత్స పొందుతున్న క్షతగాత్రులు