ధర్మేంద్ర మాతృభూమికి చేసిందేమిటి?

కుచిండ ఎన్నికల సభలో మాట్లాడుతున్న బొబి

భువనేశ్వర్‌, న్యూస్‌టుడే: స్థిరమైన పాలన అందించిన ఘనచరిత్ర ముఖ్యమంత్రి నవీన్‌ సొంతమని, ఉత్తమ పాలకునిగా మన్ననలందుకున్నారని, అన్ని రికార్డులు ఆయన సొంతమని సంబల్‌పూర్‌ లోక్‌సభ బిజద అభ్యర్థి ప్రణవ ప్రకాష్‌ దాస్‌  (బొబి) పేర్కొన్నారు. శుక్రవారం సంబల్‌పూర్‌ పరిధిలోని కుచిండలో జరిగిన ఎన్నికల బహిరంగ సభలో ఆయన మాట్లాడుతూ సీఎంగా నవీన్‌ అమలు చేసినన్ని సంక్షేమ కార్యక్రమాలు దేశంలో ఎక్కడా సాధ్యం కాలేదన్నారు. అందుకే ఆయనను రాష్ట్ర ప్రజలు ఆదరిస్తున్నారన్నారు. పదేళ్లు కేంద్రమంత్రిగా విధులు నిర్వహించిన ధర్మేంద్ర మాతృ భూమికి ఏం చేశారని ప్రశ్నించారు. కటక్‌-సంబల్‌పూర్‌ రహదారి విస్తరణ పనులు నత్తనడకన సాగుతున్నా నిస్సహాయంగా చూస్తున్న ధర్మేంద్ర సీఎంను విమర్శించడం హాస్యాస్పదమన్నారు.