ఒట్టు పెడుతున్నాం.. ఓటు వినియోగించుకుంటాం

అవగాహన ర్యాలీలో భాగంగా ప్లకార్డులు ప్రదర్శిస్తున్న జిల్లా అధికారులు, ఉద్యోగులు, కార్మికులు

ఒంగోలు గ్రామీణం, న్యూస్‌టుడే: స్వీప్‌ కార్యక్రమంలో భాగంగా ఓటు హక్కు వినియోగంపై పరిశ్రమల కేంద్రం, ఏపీఐఐసీ ఆధ్వర్యంలో మద్దిపాడు మండలం గుండ్లాపల్లి గ్రోత్‌ సెంటర్‌లోని ఉద్యోగులు, కార్మికులకు శుక్రవారం అవగాహన నిర్వహించారు. మే 13న నిర్వహించనున్న సార్వత్రిక ఎన్నికల్లో ప్రతి ఓటరూ తమ హక్కు వినియోగించుకోవాలని అధికారులు సూచించారు. ఈ సందర్భంగా కార్మికులతో ప్రతిజ్ఞతో పాటు, మానవహారం ఏర్పాటు చేశారు. తొలుత ఓటు వినియోగంపై వినూత్నంగా ప్లకార్డులతో ప్రదర్శన చేపట్టారు. కార్యక్రమంలో స్వీప్‌ జిల్లా సమన్వయకర్త వీఎస్‌.జ్యోతి, పరిశ్రమల కేంద్రం జీఎం బి.శ్రీనివాసరావు, ఏపీఐఐసీ మేనేజర్‌ నాగుల్‌మీరా, కార్మిక శాఖ అధికారి ఎం.వెంకటేశ్వర్లు తదితరులు పాల్గొన్నారు.