అచ్చెన్న సమక్షంలో తెదేపాలో చేరిన వైకాపా శ్రేణులు

పెద్దసాన వైకాపా కార్యకర్తలను తెదేపాలోకి ఆహ్వానిస్తున్న పార్టీ రాష్ట్ర అధ్యక్షుడు కింజరాపు అచ్చెన్నాయుడు

కోటబొమ్మాళి, న్యూస్‌టుడే: టెక్కలి మండలం పెద్దసానకు చెందిన వైకాపా నేతలు, అభిమానులు సోమవారం నిమ్మాడలో తెదేపా రాష్ట్ర అధ్యక్షుడు కింజరాపు అచ్చెన్నాయుడు సమక్షంలో ఆ పార్టీలో పెద్ద సంఖ్యలో చేరారు. గ్రామానికి చెందిన వినోద్‌కుమార్‌, మౌళి, ఇప్పిలి రాంబాబు, చందు, షణ్ముఖరావు, తేజ, జయవర్ధన్‌, రాణి, మణి, అభి, బలుసాకు, రిక్కీ, శివలతో పాటు సుమారు 50 కుటుంబాలు తెదేపాలో చేరాయి. వీరందరికీ పేరుపేరునా అచ్చెన్నాయుడు ఆహ్వానం పలికారు. ః సంతబొమ్మాళి మండలం కోటపాడు పంచాయతీ కాశీపురం నుంచి పలువురు వైకాపా నేతలు తెదేపాలో చేరారు. గ్రామానికి చెందిన వేణుగోపాల్‌, గొనప వైకుంఠరావు, సీపాన కృష్ణమూర్తి తదితరులు చేరారు. నిమ్మాడలో జరిగిన ఈ కార్యక్రమంలో ఎంపీ కింజరాపు రామ్మోహన్‌నాయుడు తదితరులు పాల్గొన్నారు.