ప్రతి ఇంటిపై జెండా ఎగరాలి : ఎల్‌ మురుగన్‌

విద్యార్థులతో కేంద్ర సహాయ మంత్రి

కోయంబత్తూరు, న్యూస్‌టుడే: దేశ భక్తి ఉన్న ప్రతి ఒక్కరు వారి ఇంటిపై జాతీయ జెండా ఎగురవేశారని కేంద్ర సహాయ మంత్రి ఎల్‌ మురుగన్‌ తెలిపారు. శనివారం కోయంబత్తూరు స్వామి వివేకానందా సేవా కేంద్రం ఆధ్వర్యంలో ఫ్రీడమ్‌ రన్‌ కార్యక్రమాన్ని నవ ఇండియా ప్రాంతంలోని హిందుస్థాన్‌ ప్రైవేటు కళాశాలలో కేంద్ర సహాయ మంత్రి ఎల్‌ మురుగన్‌ ప్రారంభించారు. విద్యార్థులు జాతీయ జెండా పట్టుకొని కేంద్ర సహాయ మంత్రితో ఫొటో తీసుకొన్నారు. ఈ సందర్భంగా ఆయన మాట్లాడుతూ.. ప్రజలు ప్రధాని అభ్యర్థన మేరకు కశ్మీర్‌ నుంచి కన్యాకుమారి వరకు జాతీయ జెండాను ఎగురవేశారన్నారు. అంతర్జాతీయ స్థాయిలో అభివృద్ధి చెందే దేశంగా భారత్‌ ఉందని, అబ్దుల్‌ కలాం కలలు కన్న విధంగా 2047 నాటికి దేశం అభివృద్ధి చెందుతుందని పేర్కొన్నారు.