‘ప్రజలకు మేలు చేయని డీఎంకే ’

సభలో మాట్లాడుతున్న మాజీ మంత్రి రాజేంద్ర బాలాజీ

వేలచ్చేరి, న్యూస్‌టుడే: రాష్ట్రంలో పాలనలో ఉన్న డీఎంకే ప్రభుత్వం ప్రజలకు ఏ మేలు చేయలేదని అన్నాడీఎంకే మాజీ మంత్రి రాజేంద్రబాలాజీ విమర్శించారు. విరుదునగర్‌ బస్టాండు సమీపంలో విరుదునగర్‌ నియోజకవర్గ అన్నాడీఎంకే తరఫున అన్నాదురై జయంతిని పురస్కరించుకుని బహిరంగ సభను శుక్రవారం రాత్రి నిర్వహించారు. పశ్చిమ జిల్లా ప్రిసీడియం ఛైర్మన్‌ ఎస్‌ఆర్‌ విజయకుమరన్‌ అధ్యక్షత వహించారు. కార్యక్రమంలో పాల్గొన్న రాజేంద్రబాలాజీ మాట్లాడుతూ... రాష్ట్రంలో కామరాజర్‌ పాలనలో అమలు చేసిన మధ్యాహ్న భోజన పథకాన్ని ఎంజీఆర్‌ విస్తరించారని గుర్తుచేశారు. ప్రస్తుతం డీఎంకే ప్రభుత్వం జయలలిత ప్రవేశపెట్టిన పథకాలను రద్దు చేసిందని ఆరోపించారు. రాబోయే పార్లమెంటు ఎన్నికల్లో అన్నాడీఎంకే విజయం సాధిస్తుందన్నారు. నగర కార్యదర్శి మహ్మద్‌ నాయినార్‌, యూనియన్‌ కార్యదర్శులు కె.కన్నన్‌, ధర్మలింగం, నిర్వాహకులు పాల్గొన్నారు.