మహిళ ఆత్మహత్య కేసులో ఆరోపణలు...

ముగ్గురు పోలీసుల బదిలీ

కోకిల (పాత చిత్రం)

వేలచ్చేరి, న్యూస్‌టుడే: పుదుక్కోట జిల్లా కీరమంగళం సమీపం మేర్పనైక్కాడు ఉత్తర గ్రామానికి చెందిన నీలకంఠన్‌ భార్య కోకిల (36) ఇటీవల తన ఇంట్లో ఆత్మహత్య చేసుకొంది. అంతకుముందు ఆమె ఒక లేఖ రాసింది. తనపై తప్పుడు కేసు బనాయించి వేకువజామున కోర్టుకు తీసుకెళ్లారని, మనస్తాపానికి గురై ఆత్మహత్యకు పాల్పడుతున్నానని అందులో ఉంది. నీలకంఠన్‌ ఫిర్యాదు మేరకు డీఎంకే నాయకుడు ఎం.ఎం.కుమార్‌, అతని భార్య భవనేశ్వరి, కీరమంగళం పోలీసు ఎస్సై జయకుమార్‌, మహిళా పోలీసు క్రేసీ, దురైమాణిక్యం కేసు నమోదు చేశారు. నిందితులను అరెస్టు చేసేంతవరకు మృతదేహాన్ని తీసుకెళ్లబోమని ఆదివారం కోకిల బంధువులు ఆందోళన చేపట్టారు. అరంతాంగి ఆర్డీఓ సొర్ణరాజ్‌ విచారణ చేయడానికి వెళ్లగా నిందితులను అరెస్టు చేసే వరకు కుదరని తెలిపారు. చర్చల తర్వాత మృతదేహానికి సోమవారం పోస్టుమార్టం నిర్వహించి, వారికి అప్పగించారు. ఈ నేపథ్యంలో ఎస్సై జయకుమార్‌, క్రేసీ, కామరాజ్‌ను వేర్వేరు స్టేషన్లకు బదిలీ చేస్తూ ఎస్పీ సోమవారం ఉత్తర్వులు జారీ చేశారు.