ఉప ఎన్నికల ప్రచారంలో అన్నాడీఎంకే నేతలు

జాబితాలో ఓటర్ల వివరాలను సరిచూస్తున్న  సోమసుందరం తదితరులు

కాంచీపురం, న్యూస్‌టుడే: ఈరోడ్డు (తూర్పు) నియోజకవర్గంలో వచ్చే నెల 27వ తేదీన ఉప ఎన్నికలు జరగనున్నాయి. ఈ ఎన్నికల్లో అన్నాడీఎంకే తరఫున ఈ ఎన్నికల్లో పోటీ చేసే అభ్యర్ధి పేరును ఆ పార్టీ నిర్వాహకం పరిశీలిస్తోంది. అన్నాడీఎంకే తాత్కాలిక ప్రధాన కార్యదర్శి ఎడప్పాడి పళనిస్వామి ఆదేశాల మేరకు కాంచీపురం పశ్చిమ జిల్లా అన్నాడీఎంకే కార్యదర్శి వి.సోమసుందరం, మాజీ జిల్లా కార్యదర్శి వాలాజాబాద్‌ పి.గణేశన్‌ తదితరులు ఈరోడ్డు తూర్పు నియోజక వర్గంలో ఎన్నికల పనుల్లో నిమగ్నమయ్యారు. వారికి కేటాయించిన ప్రాంతాల్లో శనివారం ఇంటింటికి వెళ్లి ఓటర్ల జాబితాల్లో గల ఓటర్ల పేర్లను, చిరునామా మొదలైన వివరాలను పరిశీలించారు. కార్యక్రమంలో అన్నాడీఎంకే నిర్వాకులు పాల్గొన్నారు.