డీఎంకే సమావేశం

సమావేశంలో మాట్లాడుతున్న మంత్రి దురైమురుగన్‌

వేలూర్‌, న్యూస్‌టుడే: జిల్లా డీఎంకే కార్యాలయంలో ముఖ్యమంత్రి రాక గురించి మంత్రి దురైమురుగన్‌ నేతృత్వంలో సమావేశం జరిగింది. వేలూర్‌ వీఐటీలో ఫిబ్రవరి 1వ తేదీ జరగనున్న కార్యక్రమంలో ముఖ్యమంత్రి పాల్గొననున్నారు. అనంతరం కలెక్టరు కార్యాలయంలో జిల్లా అధికారులతో జరిగే సమీక్షా సమావేశంలో పాల్గొంటారు. ముఖ్యమంత్రి రాక సందర్భంగా వేలూర్‌లో ఉన్న కేంద్ర జిల్లా డీఎంకే కార్యాలయంలో అవసర ఎగ్జిక్యూటివ్‌ సమావేశం శనివారం ఎమ్మెల్యే నందకుమార్‌ అధ్యక్షతన జరిగింది. ప్రత్యేక అతిథిగా పాల్గొన్న మంత్రి దురైమురుగన్‌, జిల్లాకు రానున్న ముఖ్యమంత్రికి, జిల్లా సరిహద్దుల్లో స్వాగతం పలకడంపై పార్టీ నేతలకు సూచనలు ఇచ్చారు. ఈ కార్యక్రమంలో వేలూర్‌ ఎంపీ కదిర్‌ ఆనంద్‌ తదితరులు పాల్గొన్నారు.