పదేళ్లలో అద్భుత ప్రగతి : గవర్నర్‌ ఆర్‌ఎన్‌ రవి

మాట్లాడుతున్న గవర్నర్‌ ఆర్‌ఎన్‌ రవి

ఆర్కేనగర్‌, న్యూస్‌టుడే: భారతదేశం పదేళ్లలో అద్భుత వృద్ధిని సాధించిందని గవర్నర్‌ ఆర్‌ఎన్‌ రవి అన్నారు. తిరుచ్చిలోని ఓ ప్రైవేట్‌ కళాశాల సిల్వర్‌జూబ్లీ కార్యక్రమంలో శనివారం పాల్గొన్నారు. కళాశాల మాజీ కార్యదర్శులు, ప్రిన్సిపాళ్లు, అధ్యాపకులను సత్కరించారు. ఉత్తమ ప్రతిభ కనబర్చిన విద్యార్థులను అభినందిస్తూ ప్రశంసాపత్రాలు అందించారు. అనంతరం మాట్లాడుతూ.. ఈ కళాశాల అన్నింటిలా కాక ఆశ్రమం ద్వారా ఉత్తమంగా నడుస్తోందన్నారు. దేశానికి ఏమేం కావాలో అన్నింటినీ మోదీ చేస్తున్నారన్నారు. దేశాన్ని ప్రపంచం ఒక కుటుంబంగా చూస్తోందని తెలిపారు. జీ20 సదస్సు ద్వారా ఇండియా ప్రగతిని మోదీ చాటిచెప్పారన్నారు. భారత శాస్త్రవేత్తలు కరోనా టీకా కనుగొని ప్రపంచ దేశాలకు ఎగుమతి చేసినట్లు వివరించారు.