శుక్రవారం తాడేపల్లి క్యాంపు కార్యాలయంలో ముఖ్యమంత్రి జగన్‌ని కలసిన

విశాఖ డెయిరీ వైస్‌ ఛైర్మన్‌ ఆనంద్‌కుమార్‌, మున్సిపల్‌ ఛైర్‌పర్సన్‌ రమాకుమారి

ఎలమంచిలి, న్యూస్‌టుడే: ఎలమంచిలి పట్టణంలోకి వచ్చే కొక్కిరాపల్లి రైల్వేగేటు వద్ద పైవంతెన మిగులు పనులు పూర్తి చేయడానికి టెండర్లు పిలిచేలా ఆదేశాలివ్వాలని ముఖ్యమంత్రి జగన్‌ మోహన్‌రెడ్డిని మున్సిపల్‌ ఛైర్‌పర్సన్‌ పిళ్లా రమాకుమారి, విశాఖ డెయిరీ వైస్‌ ఛైర్మన్‌ ఆడారి ఆనంద్‌కుమార్‌ కోరారు. శుక్రవారం తాడేపల్లి క్యాంప్‌ కార్యాలయంలో వారు ముఖ్యమంత్రిని కలిశారు. పట్టణ ప్రజలకు ప్రదాన సమస్యగా మారిన పైవంతెన పనులు పూర్తయ్యేలా చూడాలన్నారు. ఎలమంచిలి ప్రభుత్వ ఆసుపత్రి నిర్మాణ పనులు పూర్తయ్యేలా చూడాలని విన్నవించారు. మున్సిపాలిటీని ఆదర్శంగా తీర్చిదిద్దడానికి ప్రభుత్వం నుంచి సహకారం అందించాలని కోరారు. భారీ తాగునీటి పథకంపై చర్చించారు. మున్సిపాలిటీలో చేపట్టిన అభివృద్ధి కార్యక్రమాలను ఛైర్‌పర్సన్‌ రమాకుమారి ముఖ్యమంత్రి జగన్‌కి వివరించారు.