జులై4న నల్ల బ్యాడ్జీలతో నిరసన

ఉక్కునగరం(గాజువాక), న్యూస్‌టుడే: ప్రధాని నరేంద్ర మోదీ జులై 4న భీమవరం పర్యటనకు వస్తున్న సందర్భంగా నల్ల జెండాలు, బ్యాడ్జీలతో కూర్మన్నపాలెంలోని ఉక్కు దీక్షా శిబిరంలో పరిరక్షణ పోరాట కమిటీ ఆధ్వర్యంలో నిరసన చేపట్టాలని తీర్మానించారు. ఇంటక్‌ కార్యాలయంలో ఇంటక్‌ అధ్యక్షుడు నీరుకొండ రామచంద్రరావు అధ్యక్షతన సోమవారం జరిగిన సమావేశంలో పోరాట కమిటీ ఛైర్మన్లు డి.ఆదినారాయణ, మంత్రి రాజశేఖర్‌, సీహెచ్‌.నరసింగరావు మాట్లాడుతూ ఆదివారం నిర్వహించిన మహా ప్రదర్శన విజయవంతం అయ్యిందన్నారు. ప్రైవేటీకరణపై మంగళవారం కలెక్టర్‌ను కలసి వినతిపత్రం సమర్పించాలని తీర్మానించారు.