రౌడీయిజం వైకాపా నైజం

ఎన్నికల్లో వారిని ఓడించాలి
కొత్తవలస సభలో బాలయ్య

‘వైకాపాది రౌడీయిజం.. వారి నైజమే అది.. అభివృద్ధిని కాంక్షించేది తెదేపానే.. ఈ ఐదేళ్లలో అధికార పార్టీ నేతలు ఉత్తరాంధ్రను దోచుకున్నారు.. వచ్చే ఎన్నికల్లో వారిని ఓడించాలి’ అని సినీ నటుడు, హిందూపురం ఎమ్మెల్యే నందమూరి బాలకృష్ణ పిలుపునిచ్చారు. స్వర్ణాంధ్ర సాకార యాత్రలో భాగంగా కొత్తవలస పట్టణంలో శుక్రవారం రాత్రి జరిగిన బహిరంగ సభలో ఆయన మాట్లాడారు.

మోసాలు, మాయలు, కుట్రలు, కుతంత్రాలతో పాలన సాగించే జగన్‌లాంటి వ్యక్తిని గద్దె దించాలని పిలుపునిచ్చారు. కూటమి విశాఖ ఎంపీ అభ్యర్థి శ్రీభరత్‌, ఎస్‌.కోట నియోజకవర్గ ఎమ్మెల్యే అభ్యర్థిని కోళ్ల లలితకుమారి, గొంప కృష్ణ పాల్గొన్నారు.

న్యూస్‌టుడే, కొత్తవలస, ఎస్‌.కోట