నేడు పీసీసీ అధ్యక్షురాలు షర్మిల నామినేషన్‌

ఈనాడు, కడప: పీసీసీ అధ్యక్షురాలు, కాంగ్రెస్‌ పార్టీ కడప ఎంపీ అభ్యర్థి వైఎస్‌ షర్మిల శనివారం నామినేషన్‌ దాఖలు చేయనున్నారు. ఈమె ఉదయం 8 గంటలకు ఇడుపులపాయ నుంచి బయలుదేరి కడప నగరం ఐటీఐ సర్కిల్‌కు 9.15 గంటలకు చేరుకుని ర్యాలీ ప్రారంభిస్తారు. ర్యాలీ సంధ్యా సర్కిల్‌, కోటిరెడ్డి, అంబేడ్కర్‌ వలయం మీదుగా డీసీసీ కార్యాలయం వద్దకు చేరుకుంటారు. ఉదయం 11 గంటలకు తులసిరెడ్డి, సునీతతో కలిసి కలెక్టరు కార్యాలయంలో నామినేషన్‌ దాఖలు చేస్తారు. అనంతరం 11.45 గంటలకు బహిరంగసభ నిర్వహించనున్నారు. ఈ మేరకు పార్టీ నేతలు సన్నాహాలు చేస్తున్నారు.