ఇంటర్నెట్‌డెస్క్‌: ఉత్తర్‌ప్రదేశ్‌లో ఓ ర్యాలీలో బుల్డోజర్లు నృత్యం చేశాయి. ఫరూఖాబాద్‌ లోక్‌సభ స్థానం అలీగంజ్‌లో బుధవారం ముఖ్యమంత్రి యోగి ఆదిత్యనాథ్‌ ఎన్నికల ర్యాలీలో ప్రసంగించారు. ఆయన వేదిక వద్దకు రావడానికి ముందే డజన్ల కొద్దీ బుల్డోజర్లను అక్కడికి తీసుకువచ్చారు. ఆ తర్వాత సంగీతానికి అనుగుణంగా.. ఆపరేటర్లు అటూ ఇటూ తిప్పుతూ బుల్డోజర్లతో విన్యాసాలు చేయించారు. కొందరు కార్యకర్తలు వాటిపైకి ఎక్కి నినాదాలు చేశారు. వీటిని 360 డిగ్రీల కోణంలో తిప్పారు. ఇంజిన్‌ వేగాన్ని ఒక్కసారిగా పెంచి.. బ్రేకులు వేయడం వంటివి చేశారు. ఒక దశలో వేదికపై ప్రసంగాల కంటే ప్రజలు ఈ బుల్డోజర్ల పైనే ఆసక్తి చూపడం మొదలుపెట్టారు.