సుప్రీంకోర్టులో తెలంగాణకు ఊరట

దిల్లీ: సుప్రీంకోర్టులో తెలంగాణ ప్రభుత్వానికి ఊరట లభించింది. కరోనా పరీక్షల విషయంలో తమ ఆదేశాలు పాటించలేదని ప్రజారోగ్య సంచాలకుడు శ్రీనివాసరావుకు ఇటీవల తెలంగాణ హైకోర్టు... కోర్టు ధిక్కరణ నోటీసు ఇచ్చింది. హైకోర్టు ఆదేశాలను సవాలు చేస్తూ తెలంగాణ ప్రభుత్వం సర్వోన్నత న్యాయస్థానంలో పిటిషన్ దాఖలు చేసింది.  కరోనా నియంత్రణకు అవసరమైన మేరకు ప్రభుత్వం పరీక్షలు చేస్తుందని,  రోజూ 50వేల పరీక్షల నిర్వహణ కష్టమని కోర్టుకు తెలిపింది. పిటిషన్‌పై విచారణ చేపట్టిన సుప్రీంకోర్టు ధర్మాసనం .. కరోనా పరీక్షల అంశంలో హైకోర్టు ఇచ్చిన కోర్టు ధిక్కరణ ఆదేశాలపై స్టే ఇచ్చింది.