మొసలి-తాబేలు హైఫై దోస్తానా!

ఇంటర్నెట్‌ డెస్క్‌: వన్యప్రాణులకు సంబంధించిన అనేక వీడియోలు ఈ మధ్య వైరలవుతున్నాయి. తాజాగా మరో వీడియో నెట్టింట హల్‌చల్‌ చేస్తోంది. మొసలిని చూస్తేనే భయపడి పారిపోయే తాబేలు దానికి హైఫై ఇస్తున్నట్లు ఉన్న ఓ వీడియో ప్రస్తుతం సామాజిక మాధ్యమాల్లో చక్కర్లు కొడుతోంది. సరీసృపాలకు సంబంధించి ట్విట్టర్‌లో 'గేటర్స్‌ డైలీ' పేరుతో నిర్వహిస్తున్న పేజీలో నిర్వాహకులు ఈ వీడియోను పంచుకున్నారు. ఏడు సెకన్ల నిడిడిగల ఆ వీడియోలో ఓ భయంలేని తాబేలు మొసలి వద్దకు ఈదుకుంటూ వచ్చి దాని చేతిని తాకి వెళ్లిపోతుంది. అది హైఫై ఇచ్చినట్లు ఉండటంతో ప్రస్తుతం ఆ వీడియో సోషల్‌ మీడియాలో చక్కర్లు కొడుతోంది. ట్విటర్‌లో ఆ వీడియోని 11 మిలియన్ల మంది వీక్షించారు.