ఏం భయంలేదు: ఆ ఉల్క భూమిని ఢీకొట్టదు

న్యూదిల్లీ: ఈ నెల 6న ఓ భారీ ఉల్క భూమికి సమీపంగా రానుందని అమెరికా అంతరిక్ష పరిశోధన సంస్థ(నాసా) తెలిపింది. ఈజిప్ట్‌ పిరమిడ్‌ కన్నా రెండింతలు పెద్దగా ఉండే ఈ ఉల్కకు 2010ఎఫ్‌ఆర్‌గా నామకరణం చేశారు. అయితే, ఇది భూమిని ఢీకొట్టదని నాసా ట్వీట్‌ చేసింది.

‘‘ఆస్ట్రాయిడ్‌ 2010 ఎఫ్‌ఆర్‌ విషయంలో మన ఖగోళ శాస్త్రవేత్తలకు ఎలాంటి అనుమానాలు లేవు. ఎందుకంటే ఇది భూమిని ఢీకొట్టే అవకాశమే లేదు. సెప్టెంబరు 6న భూమికి దాదాపు 4.6మిలియన్‌ మైళ్ల దూరం నుంచి ఇది వెళ్లిపోతుంది’’ అని నాసా ట్వీట్‌ చేసింది. మార్చి 18, 2010 ఈ భారీ ఉల్కను శాస్త్రవేత్తలు గుర్తించారు. అప్పటి నుంచి నాసా ఈ ఉల్క కదలికలను గమనిస్తూ ఉంది. సెప్టెంబరు 6న ఇది భూ కక్ష్యను దాటుతుందని భావిస్తున్నారు.