Magunta Raghava: దిల్లీ మద్యం కేసు.. మాగుంట రాఘవకు బెయిల్‌

దిల్లీ: దిల్లీ మద్యం కేసు (Delhi Liquor Case)లో నిందితుడిగా ఉన్న మాగుంట రాఘవ(Magunta Raghava)కు బెయిల్‌ మంజూరైంది. వైద్య కారణాలతో రాఘవకు దిల్లీ హైకోర్టు మధ్యంతర బెయిల్‌ మంజూరు చేసింది. ఈడీ అధికారులు ఎప్పుడు పిలిచినా.. చెన్నై లేదా దిల్లీ కార్యాలయంలో వారి ఎదుట హాజరుకావాలని కోర్టు ఆయన్ను ఆదేశించింది. చెన్నైకే పరిమితం కావాలన్న న్యాయస్థానం.. ప్రతి మంగళ, శుక్రవారాల్లో సాయంత్రం 4గంటలకు ఈడీ ఎదుట రిపోర్టు చేయాలని సూచించింది. ట్రయల్‌ కోర్టు అనుమతి లేకుండా దేశం విడిచి వెళ్లొద్దని.. పాస్‌పోర్ట్‌ను సరెండర్‌ చేయాలని దిల్లీ హైకోర్టు ఆదేశించింది.