టెలీమెడిసిన్‌ను ప్రారంభించిన జగన్‌

అమరావతి : రాష్ట్రంలో కరోనా నివారణ చర్యల్లో భాగంగా ‘వైఎస్‌ఆర్‌ టెలీమెడిసిన్‌’ కార్యక్రమాన్ని ముఖ్యమంత్రి జగన్‌ ప్రారంభించారు. క్యాంప్‌ కార్యాలయంలో ఈ కార్యక్రమాన్ని ప్రారంభించి.. టెలీమెడిసిన్‌ టోల్‌ఫ్రీ నంబర్‌కు సీఎం ఫోన్‌ చేశారు. ఫోన్లో వైద్యుడితో మాట్లాడారు. టెలీమెడిసిన్‌ విధానాన్ని పటిష్ఠంగా నడపాలని అధికారులను సీఎం ఆదేశించారు. ఈ కార్యక్రమాన్ని నిత్యం పర్యవేక్షించాలని.. అవసరమైతే వైద్యుల సంఖ్య పెంచాలని సూచించారు.

రాష్ట్రంలో టెలీమెడిసిన్‌ అమలుకు టోల్‌ఫ్రీ నంబర్‌ 14410ని ప్రభుత్వం కేటాయించింది . దీని ద్వారా స్వచ్ఛంద సేవకు 286 మంది వైద్యులు, 114 మంది ఎగ్జిక్యూటివ్‌లు ముందుకు వచ్చారు. ప్రతి రోజు ఉదయం 8 గంటల నుంచి సాయంత్రం 6 వరకు ఆరోగ్య సేవలు అందించనున్నారు.