తెలంగాణ కరోనా @ 1,831

హైదరాబాద్‌: తెలంగాణలో కరోనా కరాళనృత్యం కొనసాగుతోంది. గత 24 గంటల్లో 1,831 కరోనా కేసులు నమోదయ్యాయి. దీంతో రాష్ట్రంలో మొత్తం కొవిడ్ కేసుల సంఖ్య 25,733కి చేరింది. ప్రస్తుతం రాష్ట్రంలో 10,646 కరోనా కేసులున్నాయి. ఈ రోజు 2,078 మంది డిశ్ఛార్జి కాగా, ఇప్పటివరకు 14,781 మంది కోలుకున్నారు. ఈ రోజు చనిపోయిన 11 మందితో కలిపి మొత్తంగా 306 మంది కరోనాతో మృతి చెందారు. ఈ రోజు 6,383 శాంపిల్స్‌ను పరీక్షించగా... ఇప్పటివరకు 1,22,218 టెస్టులు జరిగాయి. ఈ రోజు నమోదైన కేసుల్లో జీహెచ్‌ఎంసీ పరిధిలో 1,419 కేసులు వచ్చాయి. రంగారెడ్డి జిల్లా నుంచి 160 నమోదుకాగా, మేడ్చల్‌ నుంచి 117 వచ్చాయి. మిగిలిన జిల్లాల వివరాలు ఇలా ఉన్నాయి...