నేడు, రేపు కడప జిల్లాలో ఏపీ సీఎం పర్యటన

అమరావతి: ఆంధ్రప్రదేశ్‌ ముఖ్యమంత్రి జగన్‌మోహన్‌రెడ్డి నేడు, రేపు కడప జిల్లాలో పర్యటించనున్నారు. ఈ నెల 8న వైఎస్‌ఆర్‌ జయంతి సందర్భంగా ఇడుపులపాయలో నిర్వహించే కార్యక్రమాల్లో పాల్గొననున్నారు. ఈ మేరకు పర్యటన షెడ్యూల్‌ ఖరారైంది. మంగళవారం మధ్యాహ్నం 3.30గంటలకు గన్నవరం నుంచి సీఎం జగన్‌ కడపకు బయల్దేరతారు. సాయంత్రం 4.45గంటలకు కడపకు చేరుకొని అక్కడి నుంచి ఇడుపులపాయకు వెళ్తారు. బుధవారం ఇడుపులపాయలో జరిగే వైఎస్‌ జయంతి వేడుకల్లో సీఎం పాల్గొంటారు. అనంతరం ఆర్‌జీయూకేటీలో అకాడమిక్‌ భవనాలు, సోలార్‌ ప్లాంట్‌ను జగన్‌ ప్రారంభిస్తారు. ఆ వెంటనే తాడేపల్లికి తిరుగు పయనమవుతారు.